Милициянын полковниги Раим Салимов Ички иштер министрлигинин Москвадагы өкүлү болуп дайындалды. Бул тууралуу аталган мекеменин маалымат кызматы кабарлады. Буга чейин Салимов ИИМдин 10-башкы башкармалыгынын жетекчи орун басары болуп иштеп келген.
“Салимовго эки өлкөнүн министрликтеринин ортосундагы кызматташтыкты бекемдөө жаатында гана эмес, укук бузууларды алдын алуу боюнча дагы активдүү иш алып баруу жоопкерчилиги жүктөлдү” , - деп жазылат мекеме тараткан маалыматта.
ИИМдин Орусиядагы буга чейинки өкүлү Аскат Алиев КМШ өлкөлөрүндө уюшкан жана оор кылмыштарга каршы күрөшүүнү координациялоо бюросунун жетекчи орун басарлыгына дайындалды. (КЕ)