Ош облусунун Өзгөн районунда жер көчкү жүргөн аймактарда эл үчүн өкмөт тарабынан 118 чатыр тигилди. Өзгөчө кырдаалдар министрлигинин басма сөз кызматы билдиргендей, турак жайы топурак астында калгандар жана кооптуу жерде жашагандар убактылуу ошол чатырларда баш калкалоодо.
29-апрелде райондун Аюу кыштагында жер көчүп, 24 адамды жана бир канча турак жайды басып калган. Жалпак-Таш айыл аймагында да үйлөрдү жексен кылган.
Тургундар чатырларда ар бири өз үй-бүлөлөрү менен жашап жатышат. (SE)