Чаткал районунда Беш-Арал коругунун сууга агып кеткен кызматкерин издөө иштери токтотулду. Бул тууралуу бүгүн Өзгөчө кырдаалдар министрлигинен кабарлашты.
Окуя 20-апрелде түшкө маал Испаран конушунда болгон. Ак-Таш айылынын 62 жаштагы тургуну сууга агып кетип, аны издөө жүрүп жаткан. Бирок натыйжа болбогондуктан 24-апрель күнү куткаруучулар туугандарынын макулдулугу менен издөө иштерин токтотушту. (RK)