Испаниянын "Барселона" футболдук клуб УЕФАнын (Европанын футбол Ассосацияларынын бирлиги) Чемпиондор Лигасынын чейрек финалдагы жооптук беттешинде Италиянын "Ювентус" клуб менен тең чыкты.
20-апрелге карагана түнү "Камп Ноу" стадионунда өткөн оюн 0: 0 эсебинде аяктады. Эки команданын бир жума мурда болгон чейрек финалдагы биринчи беттешинде "Ювентус" 3: 0 эсебинде жеңишке жеткен. Ошол себептен туриндиктер жарым финалга чыкса, каталондуктар мелдештен четтеди.
Чейрек финалдагы дагы бир беттеште Франциянын "Монако" клубу дортмунддук "Борусссияны" 3: 1 эсебинде утту. Бир жума мурда Германияда болгон чейрек финалдагы биринчи оюнда "Монако" оюнчулары 2: 3 эсебинде жеңишке жеткен. Эки беттештин жыйынтыгында жалпысынан 6: 3 эсебинде "Боруссияны" утуп, "Монако" 2004-жылдан бери биринчи жолу Чемпиондор лигасынын жарым финалында ойномой болду. Буга чейин Испаниянын эки клубу жарым финалдык таймаштарга чыккан. Мадриддин "Реалы" эки беттештин жыйынтыгында "Баварияны" утса (2: 1, 4: 2 - кошумча убакытта), "Атлетико" Англиянын "Лестер" клубун жеңип алды (1: 0, 1: 1). Жарым финалдын чүчүкүлак кармашуусу 21-апрелде өтөт. Финалга чыгуу үчүн болгон алгачкы оюндар 3-4-майга караган түндөрү өтөт. (ECh)