Камчаткада тик учактын чукул, авариялык конушунан америкалык жана француз туристтер жабыркады. Бул тууралуу Орусиянын Тергөө башкармалыгына шилтеме жасап ТАСС агенттиги жазып чыкты. Маалыматка караганда, 20 киши менен бараткан Ми-8 тик учагы Елизовск районунда чукул конууга аргасыз болгон.
Алдын ала маалыматтар боюнча, үчөө жабыркаган, каза болгондор жок. Окуя боюнча тергөө жүрүүдө. Жабыркагандар жергиликтүү ооруканага жеткирилди. (КЕ)