Курулуш иштерине лицензия берүүнү оң жагына чечип берүү үчүн 1500 доллар акча алып жаткан учурда Архитектура, курулуш жана турак жай чарбачылыгы агенттигинин Т. Н. аттуу жооптуу кызматкери кармалды.
Башкы прокуратурадан кабарлагандай, кармалган адамга 304- берене (“кызмат абалынан кыянаттык кылуу”) боюнча иш козголду.
Текшерүү иши жергиликтүү курулуш фирмаларынын биринин жетекчисинин арызынын негизинде жүргөн. Учурда кармалган адамга карата тергөө иштери башталды. (SDz)