Жапаровду коргогон митингди чуу коштоду

Үч жыл мурда чет өлкөгө чыгып кеткен оппозициялык саясатчы Садыр Жапаров 25-март күнү өлкөгө кайтып келерин, УКМК күбө катары суракка чакырганын жарыялаган болчу.

Айрым катышуучулар элди чагымга алдырбоого чакырышты. Нааразы тарап УКМК төрагасы Абдил Сегизбаевдин сыртка чыгышын, Жапаровду бошотууну талап кылышты.

Митингчилер милиция кызматкерлери менен тирешип, аларды жарып өтүп имаратка кирүүгө аракеттенди.

Митингге чыккандарга каршы газ колдонулуп, УКМК имаратынан формачандар чыкты. Асманга атылган октордун добушу да угулду. УКМК алдында милиция, спецназдын саны көбөйдү.

Милиция катышуучуларды, анын ичинде укук коргоочу Турсунбек Акунду кармап кетти. Буга нааразы болгондор катуу каршылык көрсөтүп, милицияны таш менен ургулашты.