Ажылык боюнча Орусияга берилген квотанын эсебинен борборазиялык мигранттардын да зыяратка барышына уруксат берилиши ыктымал. “Риа Новости” агенттиги 21-февралда билдиргендей, муфтийлер кеңеши Сауд Арабияга ушул маселени чечүү боюнча кайрылган.
Муфтий Равил Гайнутдин бул өтүнүч аткарылышына үмүт артарын билдирди. Орусия үчүн быйыл 20 миң 500 орун бөлүнгөн. Мигранттарга анын 200-400ү берилиши мүмкүн.
Кыргызстан үчүн 2017-жылга 4585 орун бөлүнгөн. Ажылыкка каттоо иштери 6-мартта аяктайт. (SE)