Транспорт министрлигинин буйругу менен тынымсыз кар көчкү түшүп жатканына байланыштуу жол 36 саатка жабылды. Бишкек тараптан "Сосновкада", ал эми Ош тараптан "Арал" бекетинде жүргүнчүлөр үчүн тамак-аш, жылынуучу жайлар даярдалган. Бул тууралуу Өзгөчө кырдаалдар министрлигинин басма сөз кызматы маалымдады.
Аба ырайынын кескин өзгөрүүсүнө байланыштуу тоолуу жолдордо кар көп жаап, көчкү жүрө турганын ӨКМ алдын ала эскерткен. Министрлик айдоочуларды күн ачылганча чейин алыс жолго чыкпай турууга чакырган.