Кошмо Штаттардын Грузиядагы элчилиги жикчил Түштүк Осетиянын бийликтеринин аймактын аталышын өзгөртүү боюнча референдум өткөрүү пландарын кескин сынга алды. 9-апрелде өтө турган президенттик шайлоо менен катар Түштүк Осетиянын лидерлери аймактын аталышын Алания мамлекети деп өзгөртүүнү сунуштоодо.
14-февралда АКШнын Тбилисидеги элчилиги интернет сайтына Вашингтон грузин өкмөтү менен макулдашылбай өткөрүлчү мыйзамсыз референдумдун жыйынтыгын тааныбай тургандыгы айтылат.
Түштүк Осетиядагы жикчилердин лидери Леонид Тибилов референдум өткөрүү жөнүндө буйрукка 6-февралда кол койду.
Москва 2008-жылдагы согуштан кийин Грузиядан өз алдынчалык жарыялап алышкан Түштүк Осетия менен Абхазиянын көз карандысыздыгын тааныган. АКШ жана бир катар Батыш өлкөлөрү Абхазия менен Түштүк Осетияны Грузиянын бөлүгү деп санайт.