Бул тууралуу Саламаттык сактоо министрлиги билдирди. Мекеменин маалыматына караганда, бүгүнкү күндө кырсыктан жабыркаган 11 жаран ооруканада жатат.
Анын бири Бишкектеги травматология жана ортопедия илим изилдөө борборунда, Кыргыз илим изилдөө жана ден соолукту калыбына келтирүү борборунда жети адам, шаардык №2 төрөт үйүндө бир адам, Республикалык психикалык саламаттык борборунда эки киши дарыланууда. Алардын баарынын абалы канаттаандырарлык.
16-январда “Манас” аэропортуна жакын жердеги Дача СУ айылына Түркиянын жүк ташуучу учагы кулап, жыйырмадан ашуун үй талкаланган, 39 киши набыт кеткен.