Соңку 24 саатта Орусия колдогон жикчилдер менен кагылышууда эки аскер набыт болуп, 10 жоокер жарадар экенин Украина аскер бийликтери 2-февралда маалымдашты. Чыгыш Украинада акыркы жумада тутанган кагылышууларда сегиз аскер өлгөнү маалымдалган. Жикчилдер өз кезегинде Донецкини аткылоодон эки тынч жаран жарадар болгонун 1-февралда кечинде маалымдашты. Кагылышуу Донецкиге жакын Авдеевка шаарчасынын айланасында болуп жатат. Кыш чилдеде тутанган кагылышуу тургундарды электр энергиясы, суу жана жылуулук менен камсыздоону үзгүлтүккө учураткан. Ассошейтед пресстин 2-февралдагы маалыматы боюнча шаарчаны суу жана жылуулук менен камсыздоо жарым-жартылай калыбына келтирилди. (AiT)