Өкмөт тарабынан ачылган бирдиктүү эсепке жана калктан гуманитардык жардам чогултуу 30-31-январь күндөрү уланып, 1-февралдан тарта токтотулат. Бул тууралуу Өзгөчө кырдаалдар министрлиги маалымдоодо.
Ал эми 11-февралдан тарта чогулган жардам учак кырсыгында каза болгондордун үй-бүлөлөрүнө жана жабыркагандарга бериле баштайт. Гумжардамды бөлүштүрүү иштерине жабыркагандар өздөрү, аксакалдар, жаштар жана башка тараптар тартыларын өкмөт бекемдөөдө.
ӨКМнин 27-январдагы маалыматы боюнча, учак кырсыгына байланыштуу атайын эсепке 33 млн. сомдон ашык каражат түшкөн. Мындан башка Дача СУ айылындагы жарым-жартылай бузулган, чатыры талкаланган үйлөрдү калыбына келтирүү үчүн турак-жайлардын ээлерине шифер жана башка курулуш материалдары берилген.(ZKo)