Президент Алмазбек Атамбаев Boeing учагы кулаган Дача СУ конушунун тургундары менен жолугат. Бул тууралуу президенттик аппараттын маалыматтык саясат бөлүмүнүн башчысы Алмаз Үсөнов билдирди. Анын айтуусунда, жолугушууга учак кырсыгынан каза болгондордун жакындары катышат.
Президенттин жолугушуусу журналисттердин катышуусуз өтөт. Муну Алмаз Үсөнов маселенин коомчулукка аялуу экенине байланыштуу түшүндүрдү.
- Маселенин аялуу экенин, каза болгондордун жакындарынын психологиялык абалын эске алуу менен жолугушууну прессанын катышуусуз өткөрүү чечими кабыл алынды,- деди Үсөнов.
Айрым маалыматтарга караганда, жолугушуу "Ала-Арча" мамлекеттик резиденциясында өтүүдө. Буга чейин социалдык тармактарда президент Атамбаевдин кырсык болгон жерге барып, андан жабыркагандардын абалына кызыкпаганы кызуу талкууланып, ар кандай сындар айтылган эле.(BkA)