Бул тууралуу Саламаттыкты сактоо министрлигинен кабарлашты. Ушул аптанын башынан бери кырсык болгон жерде жашаган 12 бала көңүлү айланып жатканын билдирип, ооруканага кайрылган. Аларга авиакеросинге уланышы мүмкүн деген алдын-ала диагноз коюлган.
“Токсиколог бейтаптарды кароо учурунда авиакеросин менен уулануу белгилери аныкталган жок. Учурда балдардын абалы жакшы”,- деп айтылат министрликтин маалыматында.
16-январда таңга жуук "Манас" аэропортуна жакын жайгашкан Дача СУ конушуна түркиялык Мy Cargo компаниясынын жүк ташуучу Boeing 747 учагы кулаган. Андан 39 адам каза болду. (BkA)