Бишкек мэрлигине талапкер Нурдин Абдылдаев шаар кеңешинин депутаттарына акча таратты деген имиш маалыматтарды жокко чыгарды. Ал буга байланыштуу билдирүү таратып, «Азия-ньюс» гезитине өзүн каралап жазылган маалыматты чагым деп билдирди. Абдылдаев басылманы сотко берерин кошумчалады.
Нурдин Абдылдаев “Өнүгүү-Прогресс” партиясынан Бишкек мэрлигине талапкерликке көрсөтүлгөн. Бир нече күн мурун соцтармактарга анын дагы бир талапкер, мэрдин милдетин аткаруучу Албек Ибраимовду теледебатка чакырган каты жарыяланган.
Нурдин Абдылдаев ЖК мурдагы депутаты, Токмок шаарынын экс-мэри.(ZKo)