Кыргызстанда тез паспорт берүү акысы 4-январдан баштап арзандады. Бул тууралуу Мамлекеттик каттоо кызматынан кабарлашты. Маалыматка ылайык, мындай арзандатуу аталган органдагы коррупциялык тобокелчиликтерди алдын-алуу боюнча Коргоо кеңешинин чечиминин негизинде ишке ашырылды.
Ага ылайык, мындан ары ички паспортту ( ID-картты) ыкчам даярдоонун баасы төмөнкүдөй болот:
8 күндө - 442 сом;
4 күндө - 540 сом;
2 күндө - 639 сом.
Ал эми чет өлкөгө чыгууга жарамдуу жалпы жарандык паспорттун баасы:
8 күндө - 884 сом;
4 күндө - 982 сом;
2 күндө - 1 081 сомду түзөт.(BkA)