Бразилиянын Амазон токоюнда жайгашкан Манаус шаарындагы түрмөдө тополоң чыгып, кеминде 60 киши мерт болду.
Амазонас штатынын коопсуздук жаатындагы жетекчиси Серхио Фонтес маалымат жыйынында билдиргендей, тополоң бири-бирине атаандаш маңзат менен шугулданган топтордун ортосундагы кармаштан тутанган. Бийлик өкүлдөрү набыт болгондордун саны өсүшү мүмкүндүгүн кабарлашты.
Абактагылардын саны боюнча дүйнөдө төртүнчү орунда турган Бразилияда мындай тополоңдор көп катталат. Бул өлкөдө 600 миңден ашуун адам түрмөдө жатат. Укук коргоочулар абактардагы шарт начар экенин билдирип келишет.