Аталган мыйзамдын тексти мамлекеттик “Эркин тоо” гезитинин бүгүнкү санында басылып чыкты. Эми ал он беш күндөн кийин күчүнө кирет. Ал эми премьер-министр жана парламенттин бир катар ыйгарым укуктары боюнча беренелер 2017-жылдын 1-декабрынан тарта ишке киришет.
Президент Алмазбек Атамбаев тиешелүү мыйзамга 28-декабрда кол койгон.
Кыргызстанда Баш мыйзамды өзгөртүү боюнча референдум 11-декабрда өттү. Ага жалпы шайлоочулардын 42 пайызы катышып, анын 79 пайыздан ашыгы бийлик сунуштаган өзгөртүүнү колдогону расмий кабарланган. Оппозиция жана жарандык коом Конституциянын өзгөртүлгөнүнө каршылык билдирип келе жатышат. (NT)