Ирак бийликтери маалымдагандай, белгисиз куралчан адамдар журналисттин үйүнө кол салышып, аны уурдап кетишкен.
Өкмөттү жана өлкөдөгү коррупциялык аракеттерди сындап келген Афрах ал-Каиси 26-декабрда Багдаддагы үйүнөн уурдалган.
Окуя болордон бир нече саат мурда ал өлкөдө куралчан топтордун мыйзамсыз аракеттери жазаланбай жатканын сындаган макала жарыялаган.
Ирактын премьер-министри Хайдер ал-Абади коопсуздук күчтөрүнө тапшырма берип, журналистти куткаруу үчүн тийиштүү чараларды көрүүгө чакырды.
Ирактын Ички иштер министрлиги окуяны иликтөө боюнча атайын топ түзүлгөнүн маалымдады.
Ирак журналисттер үчүн эң кооптуу мамлекеттердин бири.