Бул тууралуу Жогорку Кеңештин депутаты Аида Салянова “Азаттыкка” билдирди. Анын айтымында, ага карата кылмыш ишин козгоого эч кандай мыйзамдык негиз жок.
“Менин аракетимди эч кандай кылмыш курамы жок. Менин мыйзамда көрсөтүлгөн бардык жолдорду колдонуу менен өз аракетимдин ак экенин далилдейм”,-деди Салянова
Бүгүн Башкы прокуратура Жогорку Кеңештин депутаты Аида Саляновага кылмыш ишин козгоду. Ага ылайык, Салянова юстиция министринин милдетин аткарып турганда кызмат абалынан кыянаттык менен пайдаланып, кылмышка шектелген Алексей Елисеевдин адвокаттык лицензиясын мыйзамсыз узарткан деп шектелүүдө. (BkA/EBM)