Бул тууралуу «Таза Шайлоо» ассоциациясынын аткаруучу директору Тагир Осмоналиев Бишкектеги маалымат жыйында билдирди. Анын айтымында, 11-декабрдагы шайлоодо №1044 добушканада автоматтык эсептөөчү үкөктөр иштеген эмес:
- Аймактык шайлоо комиссиянын жетекчиси аны көчмө үкөккө алмаштыруунун ордуна кадимки эле куту коюп, шайлоочулар бюллетендерди ошого таштады. Андыктан шайлоонун жыйынтыгы чыккандан кийин бул участоктогу добуштарды жокко чыгарууну сунуштайбыз.
11-декабрда Кыргызстанда Конституцияны өзгөртүү боюнча референдум жана 22 шаардык, 389 айылдык кеңештерге шайлоо өттү. (NT)