Кыргызстан менен Түркмөнстан өкмөтү “Ашхабад-Бишкек-Ашхабад” авиакаттамын ачуу боюнча документке кол коюшту. Бул тууралуу өкмөттүн маалымат кызматы кабарлады.
Келишимге Туруктуу транспорт системасы аттуу глобалдык конференциянын алкагында кыргыз-түркмөн делегацияларынын 26-ноябрдагы жолугушуусунда кол коюлган. Кыргызстандык делегацияны биринчи вице-премьер Мухамметкалый Абулгазиев жетектеп барды.
Жекшемби күнү Ашхабадда БУУнун колдоосу менен Туруктуу транспорт системасы боюнча глобалдык конференция башталды. (SE)