2017-жылдын башында Өзбекстан менен Түркмөнстанды байланыштырган көпүрөлөр пайдаланууга берилет. Kun.uz агенттиги билдиргендей, Амударыянын үстүнө автомобил жана темир жол көпүрөлөрү курулууда.
Бул тууралуу түркмөн агенттиктери да маалымдады. Түркмөнстан президенти Гурбангулы Бердимухаммедов бул көпүрөлөр суу үстүнө курулган эң ири объект болорун белгилеп, мамлекеттер аралык байланышты күчөтөрүн айткан.