Балдар жана өспүрүмдөрдүн "Карек" аттуу республикалык кинофестивалына тасмалар тандалып бүттү. Сунушталган 87 фильмден 23 киного жолдомо берилди. Анын төртөө — анимациялык, алтоо — даректүү жана 13 — оюн багытында. Бул фильмдер эми элге көрсөтүлүп, 6-12 жана 13-17 жаштагы балдар арасында тогуз номинацияда жеңүүчүлөр аныкталат:
-Мыкты оюндук фильм.
-Мыкты анимациялык фильм.
-Мыкты документалдык фильм.
-Мыкты режиссер.
-Мыкты сценарист.
-Мыкты оператор.
-Мыкты жаш актер.
-Мыкты жаш актриса.
-Мыкты монтажчы.
Фестиваль 14-ноябрда Бишкектеги “Кыргыз киносу” кинотеатрында ачылып, 15-ноябрда “Манас” кинотеатрында жыйынтыкталат.
Иш-чара Тарых жана маданият жылына жана кыргыз киносунун 75 жылдыгына арналган.
Кинематографисттер бирикмеси өткөрүп жаткан фестиваль быйыл алгач ирет уюштурулууда. "Бул менин дүйнөм!" деген темадагы иш-чарада 6-17 жаштагы чыгармачыл балдар жана өспүрүмдөрдүн эмгектери тартууланат.