Серб, орус жана беларус армиясы Сербиянын аймагында биргелешкен аскердик машыгуусун баштады.
“Славян боордоштугу” деп аталган машыгуу бир жумага созулуп, ага 700гө чукул аскер катышат. Бул машыгуу Москва менен Батыштын мамилеси солгундаган учурга туш келүүдө.
Расмий Белград Орусия менен салттуу жылуу мамилесин сактап, ошол эле учурда Европа Биримдигине мүчө болууга жана НАТОго жакындашууга аракет кылып келет. Расмий түрдө бул өлкө НАТО уюмуна кошулуу ниети жок экенин билдирген. (KKs)