Мындай келишим Брюсселде өткөн Кыргызстан жана Евробиримдиктин кызматташуу комитетинин жыйынында кабыл алынды. Өкмөттүн маалымат кызматынан кабарлашкандай, жолугушууда эки тараптын кызматташуусун өнүктүрүү маселелери талкууланды. Европа биримдиги Кыргызстандын ВСП+ макамынын негизинде долбоорлорду ишке ашыруу боюнча «жол картасын» даярдоого жардам бермекчи.
Кыргызстанга Жалпы жеңилдиктер системасын колдонуу макамын берүү чечимин Европа биримдиги быйыл 27-январда кабыл алган. Бул артыкчылык макамына ылайык, кыргызстандык экспортчулар Европага ташый турган товардын алты миңден ашуун түрүнө бажы төлөмүн төлөбөйт.(BkA)