Мындай чечим Атырау шаардык соту тарабынан соттолуп жаткан активист Макс Бокаевдин ден соолугуна байланыштуу 19-октябрда сотко келе албашынан улам кабыл алынды.
Жерди чет өлкөлүктөргө сатууга каршы Казакстанда апрель айында митингдер чыккан эле. Андагы активисттер Макс Бокаев жана Талгат Аян 24-апрелде Атырауда кармалып, соттук териштирүү 12-октябрда башталган. Укук коргоочулар Бокаев менен Аян өз пикирин ачык айтууга укуктуу деп, аларды бошотууну талап кылууда.(AiT)