Гапар Айтиев атындагы Улуттук көркөм сүрөт музейинде индиялык заманбап сүрөтчүлөрдүн көргөзмөсү ачылды. “Индиянын заманбап искусствосунун эпикалык сапары” аттуу көргөзмөгө 15 сүрөтчүнүн элүүгө чукул эмгеги коюлду.
Индия искусствосу Бишкекте
Иш-чара Кыргызстан менен Индиянын дипломатиялык байланышынын 25 жылдыгына карата Бишкекте өткөн Индия маданият күндөрүнүн алкагында өтүп жатат.
Эл сүрөтчүсү Юристанбек Шыгаевдин айтымында, Индиянын сүрөтчүлөрүнүн оригиналдуу эмгектери коюлган мындай көргөзмө Бишкекте алгачкы ирет ачылууда.
Индиянын Кыргызстандагы элчиси Жаянт Кхобрагаде өздөрүнүн салтына ылайык көргөзмөнүн шамын жандырып жатат.
Көргөзмөгө Индия өлкөсүнүн Кыргыз жериндеги элчилигинин өкүлдөрү, маданият кызматкерлери, студенттер жана медиа өкүлдөрү катышты.
Адистер Индия заманбап сүрөт искусствосу дүйнөдөгү эң күчтүүлөрдүн бири болуп саналарын, анын ичинде скульптура жанры өнүккөнүн белгилешет.
Көргөзмө Индия өлкөсүнүн Кыргыз жериндеги элчисинин колдоосунда ишке ашты.
Көргөзмөдө сүрөттөрдөн сырткары экзотикалык маданият үлгүлөрү – даанышмандыктын, дөөлөттүн Кудайларынын, ыйык уйдун айкели да бар экен.
Көргөзмө Индия өлкөсүнүн Кыргыз жериндеги элчисинин колдоосунда ишке ашты.
Гапар Айтиев атындагы Улуттук көркөм сүрөт музейинде өтүп жаткан Индия сүрөт көргөзмөсү 23-октябрга чейин уланат.