Атамбаев Грузиянын аймактык бүтүндүгүн колдоду
Сиздин браузер HTML5 ыкмасын колдобой жатат.
Президент Алмазбек Атамбаев Грузияга жасаган расмий сапардын алкагында мамлекет башчы Георгий Маргелашвили менен тар чөйрөдө жолугуп, эки тараптуу кызматташтыкты талкуулашты. Грузия сапарын жыйынтыктап жатып берген маалымат жыйынында ал Украина кризисине токтолду. Мамлекет башчы бийлик алмашуудан соң Киев ири державаларга жардам сурап кайрылганын сындады. Буга Кыргызстан эки жолу төңкөрүштү башынан өткөргөнүн, бирок аны жайгарууга эч кимден көмөк суранбаганын, маселелерди өзү эле чечкенин мисал кылды. Алмазбек Атамбаев мамлекеттеги чыр-чатактарга аскерлерди аралаштырып чечүү туура эместигин кошумчалады. Атамбаев баштаган кыргыз делегациясы Грузияга 12-октябрда эки күндүк расмий сапар менен барган.