Дем алышта Нью-Йоркто болгон жардырууга шектелген 28 жаштагы ооган тектүү АКШ жаранына атайылап киши өлтүрүү беренеси боюнча айып коюлуп жатканын Нью-Жерсинин прокурорлору кабарлашты.
Ахмад Хан Рахами Нью-Йорктон 30 чакырым алыстыктагы Нью-Жерсинин Линден шаарында полиция менен ок атышуудан кийин колго түшкөн. Атышуудан эки полициячы жараланды.
Нью-Йорктун Манхэттен районунун Челси конушундагы жардыруудан 29 киши жаракат алган. Ал күнү Нью-Жерси шаарында да жардыруу болгон эле. (KKs)