АКШ президенттигине демократтардан талапкер Хиллари Клинтон ден соолугуна байланыштуу Калифорнияга пландалган сапарын токтотту. Дүйшөмбү жана шейшемби күндөрү ал Лос-Анжелес жана Сан-Францискодо шайлоочулар менен жолукмак.
Клинтон жекшембиде Нью-Йоркто 2001-жылдын 11-сентябрындагы террордук чабуулдардын курмандыктарын эскерүү акциясында өзүн жаман сезип, иш-чарадан кетүүгө аргасыз болгон. Эскерүүгө келгендер тартып алган видеолордо ал автомашинага жакындаганда тең салмактуулугун жоготуп койгонун көрсө болот.
Доктурлардын айтуусунда, ал өпкөсү сезгенип, өткөн жумадан бери антибиотик алып жатат жана абалы жакшырууда. (RK)