АКШнын вице-президенти Жо Байден Украина президентин чыр-чатакты күчөтпөөгө чакырганын Ак үйдөн маалымдашты.
Жо Байден Украина президенти Петро Порошенко менен телефондон сүйлөшүп, Орусия менен мамилени курчутпоого чакырган. Байден Украина үчүн өз жолун улоо зарылдыгын белгилеп, ушундай эле чакырык менен орус тарапка да кайрылган.
Орусия президенти Владимир Путин буга чейин Киев террор уюштурмак болгонун айтып, Донбасстагы абалды жөнгө салуу үчүн Германия, Франция, Украина жана Орусия ортосунда түзүлгөн “нормандия сүйлөшүүсүнүн” мааниси кеткенин белгилеген эле.