Уздардын "Оймо" фестивалы

30-июлда Бишкектеги “Ала-Тоо” кинотеатрына катар жайгашкан аянтчада өткөн фестивалга Кыргызстандан жана алыс-жакынкы чет өлкөлөрдөн 150 кол өнөрчү катышты. Анда жаш дизайнерлердин жана кол өнөрчүлөрдүн арасындагы «Этнокультура» сынагы өтүп, «Чапан, сари, кимоно» деген аталышта улуттук кийимдердин көргөзмөсү уюштурулган. Ошондой эле Улуттук көркөм өнөр музейинде “Манастын казынасы”, “Чоң энемдин куурчагы” деп аталган сынактар уюштурулган. Иш-чаранын алкагында улуттук кийимдерди кийген уздар Ала-Тоо аянты аркылуу салтанаттуу жүрүш жасашты. «Оймо» фестивалы 1-августтан тарта Ысык-Көлдө уланат. Аталган фестивал он жылдан Кыргызстанда өткөрүлүп келатат.