Быйылкы жылдын беш айында Кыргызстанда экспорттун көлөмү азайды. Бул тууралуу бүгүнкү өкмөт жыйынында премьер-министр Сооронбай Жээнбеков билдирди. Анын маалыматы боюнча, 2015-жылдын январь-май айына салыштырып алганда, экспорт 29,3 пайызга, импорт 8,2 пайызга кыскарган.
Ошондой эле өлкөдө бюджетке салыктарды чогултуу 6 пайызга азайган.
Буга байланыштуу Жээнбеков тиешелүү органдардан бул багытта иштерди жакшыртууну талап кылды. Премьер ички жана тышкы тобокелдиктерди эске алуу менен макроэкономикалык кырдаалды турукташтыруу зарылдыгын билдирди. (BkA)