26-июлда Дубай эл аралык аэропортунан НАТОнун Ооганстандагы күчтөрүндө кызмат өтөп жүрүшкөн эки түрк генералы кармалды. Мехмет Баки жана Шенер Топук 15-июлдагы бийликти басып алуу аракетине катышы бар деген шек менен кармалды. Мамлекеттик Anadolu сайты булар түрк чалгын кызматы менен Араб эмирлигинин коопсуздук кызматы менен кошо жүргүзгөн чалгындын негизинде кармалганын жазды.
Ооганстандагы НАТОнун өкүлү альянстагы түрк контингенти миссиясын улантып жатканын билдирген.