Түркиянын бийлиги Европа менен Азияны бириктирип турган Босфор көпүрөсүн жаап салды. Түркиянын борбору Анкаранын үстүндө аскердик учактар учуп жүргөнүн Reuters маалымат агенттиги кабарлады.
Түркиянын премьер-министри Биналы Йылдырым түз эфирден НТВ түрк телеканалына берген интервьюсуна Анкарада аскердик төңкөрүлүш аракети болгонун ырастады. Ал Түркиянын атуулдарын сабырдуу болууга чакырды.
- Тынчтыкты сактагыла, биз абалды жакынкы арада жөнгө салууга аракет кылабыз. Айрым аскердик топтор мамлекет аманат кылган куралдарды алып, аскерий төңкөрүлүш кылуу аракетин ишке ашырып жатат. Биз мындай аракеттерге жол бербейбиз, - деди Биналы Йылдырым.
Ал учурда Түркиянын коопзудук күчтөрү төңкөрүлүштү басууга аракет кылып атканын кошумчалады.