Мындай сунушту Ысык-Көлдөгү өкмөттүн өкүлү Аскат Акибаев 8-июлда орусиялык турист Дмитрий Ребров менен жолугушуда билдирди. Ысык-Көл облусунун башчысы Ребров оорулуу баласы, жубайы менен кошо көл жээгиндеги пансионаттардын биринде акысыз дарылана аларын белгилеп, бул маселе чечилгенин айтты.
Мурдагы милиция кызматкерлеринин колунан жабыркаган орусиялык туристтин үй-бүлөсүнө жардам берүүнү каалоочулар көп болууда. Көл жээгиндеги бир нече менчик пансионаттар аларды акысыз эс алдырууга даяр экенин “Азаттыкка” билдиришкен.(ZKo)