Ирактын баш калаасы Багдаддагы шиилердин күмбөзүндөгү жардыруудан набыт кеткендердин саны 30га жетти, 50дөн ашууну жарадар болушту.
Полициянын маалыматына ылайык, бир жанкечти шиилердин имамы Мухаммед ибн Али аль-Хадинин күмбөзүнүн кире беришинде өзүн-өзү жардырып жиберген. Андан соң бир нече куралчан адам күмбөздүн ичиндеги адамдарды көздөй ок чыгарышкан. Чабуул 7-июль күнү кечинде Орозо Айт майрамын белгилөө үчүн адамдар чогулган маалда жасалган. Теракт жоопкерчилигин “Ислам мамлекети”экстремисттик тобу өз мойнуна алды.
3-июнда Багдадда болгон кош жардыруу 300гө чукул адамдын өмүрүн алган. Бул калабадан соң Ирактын ички иштер министри Мохаммед Габбан кызматтан кетерин жарыялаган.