Караколдо 24-июнда “Ысык-Көлдүн тарыхый мурасы” аттуу сүрөт көргөзмө өттү. Сүрөттөрдө кыргыздардын XX кылымдын башындагы көл жээгиндеги аймактарда өткөн турмуш-тиричилиги чагылдырылган.
Каракол: XX кылымга саякат
Бул сүрөттөрдүн көбүн Орто Азияга келген саякатчылар жана изилдөөчү-окумуштуулар тарткан.
Көргөзмөгө келгендер өткөн кылымга саякат жасап, элдин жүз жыл мурдагы жашоо-тиричилиги менен тааныша алышты.
Иш-чара 24-июнда Ы. Туманов атындагы музыкалык окуу жайында өттү.
Көргөзмөнү Каракол туроператорлор ассоциациясы, VisitKarakol долбоору, “Көчмөн” коомдук фонду жана Ысык-Көл облустук архиви уюштурду.