Орландо шаарында болгон кандуу окуяга байланыштуу президент Алмазбек Атамбаев АКШнын лидери Барак Обамага көңүл айтуу катын жолдоду. Анда Кыргызстан бул террордук актыны кескин айыптай турганы, мындай кылмыштарды актоого мүмкүн эместиги айтылган. Ошондой эле мамлекет башчы каза тапкандардын туугандары жана жакындарынын азасын тең бөлүшүп, жабыр тарткандардын тез арада сакайып кетишин каалады. (NT)
