Бишкектеги Улуттук цирктин артисттери бүгүн “акыркы муң” деген аталышта маалымат жыйын курушат. Ага циркте иштеген көрүнүктүү маданият өкүлдөрү катышып, эмне үчүн мындай ураан менен чыгып жатышканы тууралуу жыйынга келген журналисттерге айтып беришмекчи.
Алдын ала маалыматтарга караганда, артисттер цирктеги көйгөйлөрдү коомго айтып, өкмөттөн жардам сурашы мүмкүн. Буга чейин цирк жетекчилиги мамлекет оңдоо иштери үчүн бөлгөн каражатты максатсыз пайдаланганын белгилешип, вице-премьер-министрге кайрылышканы тууралуу маалымат булактары жазып чыгышкан. Ошондой эле айлык акынын аздыгы, цирк колдоого муктаждыгы тууралуу да бир канча ирет даттанышкан. (SE)