Президент Алмазбек Атамбаев балдарды коргоонун эл аралык күнүнө карата келечек ээлерин куттуктады. Анда өлкөдөгү балдарды коргоо, аларды татыктуу тарбиялап, кайгы-кападан алыс, тынч жашоосун камсыз кылуу үчүн көп аракеттер көрүлүп жатканы айтылат.
“Балдарга татыктуу тарбия-билим берүү сыяктуу эле алардын ден-соолугуна камкордук көрүүнүн да мааниси зор. Чың денелүү, акыл-эстүү жана адептүү баланы тарбиялоо үчүн оору-сыркоолордон, зордук-зомбулуктан эле эмес, азыркы шартта аны психологиялык жана маалыматтык тескери таасирлерден, зыяндуу адаттардан да сактоо керек”-деп айтылат куттуктоодо.
Бүгүн балдарды коргоонун эл аралык күнү белгиленүүдө. Улуттук статискалык комитеттин маалыматы боюнча, 2016-жылдын 1-январына карата 18 жашка чейинки республикада 2 миллион 212 миңден ашык бала жашайт. (BkA)