Кыргызстанда мүмкүнчүлүгү чектелген балдардын толук кандуу билим алып, коомго кошулуусуна жетиштүү шарттар болбой жатканын ЮНИСЕФтин Кыргызстандагы өкүлчүлүгүнүн мүчөсү Минур Мамадзаде «Азаттыка» билдирди. Анын айтымында, ден соолугунан кемтиги бар балдардагы дартты аныктоо жаатында биртоп көйгөйлөр бар. Алардын коомго кошулуусуна шарттар түзүлгөн эмес.
Аталган уюмдун Кыргызстандагы өкүлү Юкиэ Мокуо: «Майыптыкка байланышкан стигма кыргыз коомчулугунда дале күчүндө. Маселен бул жактагы майып балдардын арасында коомго оңой эле сиңирип алчу таланттуулары бар», - деди. (BCh)