Кыргыз-өзбек чек арасын бузуп өткөн Өзбекстан жарандары кармалды. Бул тууралуу бүгүн Чек ара кызматынан кабарлашты.
Маалыматка караганда, кечээ, 18-майда Баткендин Кадамжай районуна караштуу Үч-Коргон айылынын четинде төрт өзбек жараны кармалган.Сурак учурунда алар иштегени келгенин, расмий өткөрмө бекеттен эмес, жашыруун өткөнүн айтып берген.
Кармалгандар учурда Улуттук коопсуздук комитетинин аймактык бөлүмүндө кармалууда.
Кыргызстан түштүк тарабынан Өзбекстан жана Тажикстан менен чектешет. (RK)