Өткөн түнү Ош облусунун Алай жана Кара-Кулжа райондорунун айрым айылдарында катуу жааган жаандын кесепетинен сел жүрдү. Өзгөчө кырдаалдар министрлигинен кабарлашкандай, Алайдын Тогуз-Булак айылында ички чарбалык көпүрөнү сел алып кеткен, Мурдаш айылында буга чейин жылган жер көчкү үстүнөн кайрадан жаракалар пайда болгон.
Ош - Сары-Таш - Эркеч-Там автожолунун 40-120-чакырымдарында таш кулап түшкөн.
Кара-Кулжа районунда Мырза-Аке - Кара-Кулжа - Алайкуу автожолунун айрым жерлерине сел агындылары түшүп, жол каттамы убактылуу жабылган. Ылай-Талаа - Гүлчө ички чарбалык жолуна да сел агындылары түшкөн. (RK)