Бириккен Улуттар Уюмунун баш катчысы Пан Ги Мун 23-25-апрелде Кавказга расмий сапарга чыгат. Ал Армения, Азербайжан жана Грузияны кыдырары кабарланууда.
Алгач грузин бийликтери менен жолугушуп, андан соң кийинки өлкөлөргө барат.
Апрелдин башында Азербайжан-Армения ортосунда Тоолуу Карабай чатагы кайрадан тутанып, мамилелер кескин начарлаган.
Тараптар 5-апрелде жарашканы менен азыркыга чейин айрым жерлерде чатактар уланып келүүдө. Пан Ги Мун эки тарапты чырды сүйлөшүү жолу менен чечүүгө чакырган болчу.