Евробиримдик менен каржылык жардам тууралуу келишимге кол коюлат

Бүгүн Бишкекте тышкы иштер министри Эрлан Абдылдаев менен Евробиримдиктин Борбор Азия боюнча атайын өкүлү Петер Буриан жолугушат. Анын жүрүшүндө Шайлоо системасын реформалоо аркылуу демократияны өнүктүрүү жана Билим берүү тармагын жакшыртуу боюнча каржылык жардам тууралуу келишимге кол коюшат. Бул тууралуу Тышкы иштер министрлигинин басма сөз кызматы билдирди. Андан кийин тараптар маалымат жыйынын куруп, Кыргызстан менен Евробиримдиктин кызматташтыгы тууралуу айтып беришет. (NT)