Орусиялык укук коргоочу Надежда Кутепова жана анын балдары 10 жылга Франциядан башкалка алып, качкын макамы берилди. Азыр Франциядагы Мигранттар борборунда убактылуу жашап жаткан укук коргоочу орус бийлигинин саясий куугунтугуна кабылганын айтып, расмий Парижге жарым жыл мурун өтүнүч жиберген.
Надежда Кутепова “Үмүт планетасы” экологиялык уюмунун жетекчиси катары Челябинск облусунун жабык типтеги Озерск шаарында иштеп келген. Былтыр июлда бул уюмду Орусия “чет элдик агент” катары таанып, мамлекеттик телеканал тыңчылык кылган деген маалымат таратып жибергенден кийин Кутепова Францияга жер которгон.