Бишкектин Жол кайгуул кызматынын жетекчиси Зумрад Жанабаева кармалды. "Азаттыкка" Башкы прокуратурадан кабарлашкандай, ага карата кылмыш ишти Октябрь райондук прокуратурасы былтыр 17-декабрда Кылмыш кодексинин "кызмат абалынан кыянаттык менен пайдалануу", "кызматтык алдоо" беренелеринин негизинде козгогон.
Учурда Жанабаева шаардык милициянын убактылуу кармоочу жайында отурат.
Башкы прокуратуранын маалыматына караганда, былтыр 18-декабрда жол кайгуулчу кызматкерлердин бири жасаган кылмыш факты боюнча текшерүү жүргүзгөн. Натыйжада Жанабаева ал кызматкерге байланыштуу жасалма документке кол коюп, жазага тартылуусуна тоскоолдук жараткан деп шектелүүдө. (RK)